Bu Konfrans nə üçündür?
Bu gün Azərbaycan Respublikası güclü iqtisadiyyata, dayanıqlı siyasi-hüquqi və sosial-müdafiə sisteminə, təhlükəsiz və sabit ictimai-siyasi mühitə, yenilənmiş infrastruktura malik, beynəlxalq təşkilatlara inteqrasiya olunmuş bir dövlətdir.Müstəqillik illərində Azərbaycan Respublikasının əldə etdiyi nailiyyətləri, hazırkı inkişaf səviyyəsi göstərir ki, ölkəmiz qarşıya qoyulan hədəflərə çatmaq üçün güclü potensiala malikdir.
Dövlətimizin başçısı İlham Əliyevin Prezident kimi fəaliyyət dövrü Dayanıqlı İnkişaf Məqsədlərinin reallaşdırılması baxımından xüsusiləəlamətdardır. Azərbaycanda hazırlanan inkişaf konsepsiyası və strategiyaları, proqram və layihələr bir qayda olaraq, BMT-nin Davamlı İnkişaf Məqsədləri ilə uyğunlaşdırılır. Bu da onu göstərir ki, Azərbaycan dövləti öz siyasətini qlobal çağırışlar və təmayüllər nəzərə alınmaqla qurur.
Belə bir dövrdə dayanıqlı inkişafın təmin edilməsi məsələsinin gündəmə gətirilməsi, bu yöndə vacib prinsiplərin araşdırılmasına dair fikir mübadiləsinin aparılması zəruridir, çünki dayanıqlı inkişaf iqtisadi, sosial və ekoloji aspektləri əhatə etməklə hazırkı zamanın tələblərini ödəyən, lakin gələcək nəsillərin də tələbatlarını ödəməyi təhlükə altına qoymayan və bu zaman ölkələrin milli suverenitetinə təhlükə yaratmayan inkişafı nəzərdə tutur. Sevindirici haldır ki, bu istiqamətdə tədbirlərin mütəmadi keçirilməsi artıq ölkəmizdəənənə halını alıb.
Qlobal Məqsədlər kimi tanınan Davamlı İnkişaf Məqsədləri , yoxsulluğun aradan qaldırılması, planetin qorunması , bütün insanların sülh və firavanlıqdan zövq almasını təmin etmək üçün həyata keçirilən universal çağırışdır. İqlim dəyişikliyi,iqtisadi bərabərsizlik , yenilik, davamlı istehlak, sülh vəədaləti əhatə edən bu 17 məqsəd, Minilliyin İnkişaf Məqsədlərinin uğurları üzərində qurulmuşdur.Məqsədlər bir-birinə bağlıdır- adətən bu istiqamətdə uğur qazanmağın açarı məqsədlərin əsasən bir-birilə əlaqəli olmasıdır.
Davamlı İnkişaf Məqsədləri gələcək nəsillərə, davamlı bir şəkildə həyatın yaxşılaşdırılması üçün indi doğru seçimlər etməklə tərəfdaşlıq və təcrübə ruhunda çalışır. Bütün ölkələrin öz prioritetlərinə və dünyanın ekoloji problemlərinə uyğun olaraq qəbul etmələri üçün aydın təlimatlar və hədəflər verirlər.
Sağlamlıq və demoqrafik dəyişiklik, ərzaq təhlükəsizliyi, hamı üçün keyfiyyətli təhsil, təhlükəsiz və təmiz su, yaşıl və səmərəli enerji mənbələri, iqlim dəyişikliyi,inklüziv və təhlükəsiz cəmiyyətlər kimi problemlərin eyni zamanda qlobal və yerli səviyyəyə cavab verən universitetlərin iştirakını tələb edir.
Məqsəd - bir tərəfdən, dünyanın qlobal çağırışlarına (Davamlı İnkişaf Məqsədlər ilə yekunlaşaraq) və digər tərəfdən, millət və ya cəmiyyətin iqtisadi ,sosial və mədəni inkişafına yardım etməkdir.